14 июл 08:15
Янгиликлар

Теннис

Файзиев Чехиядаги турнирда ярим финалга чиқа олмади

Мамлакатимизнинг иккинчи ракеткаси Санжар Файзиев Чехиянинг Пардубице шаҳри мезбонлик қилаётган мусобақадаги иштирокини якунлади.

Турнирнинг мукофот жамғармаси 25 000 АҚШ долларини ташкил этади. Файзиев турнирда иккинчи рақам остида ҳаракат қилди. У чорак финал учрашувида австриялик Деннис Новакка қарши кортга чиқди.

Новак турнирда олтинчи рақам остида таснифланган бўлиб, дунё рейтингида 394, Файзиев эса 256-ўринни эгаллаб турибди. Уч сет давом этган баҳсда Новак 6:2, 4:6, 6:4 ҳисобида зафар қучиб, ярим финалга йўл олди.