21 апр 10:55
Янгиликлар
Теннис
Файзиев жуфтликлар баҳсида ҳам мағлубиятга учради
Бухоро шаҳрида давом этаётган теннис бўйича соврин жамғармаси 25 минг АҚШ долларидан иборат турнир ўзининг ҳал қилувчи палласига кирди.
“Дилкушо” теннис кортларида ўтаётган мусобақанинг жуфтликлар беллашувида финал иштирокчилари маълум бўлди. Россиялик Евгений Тюрнев билан тандем ҳосил қилган ҳамюртимиз Санжар Файзиев иштирокини финал остонасида якунлади.
Файзиев/Тюрнев ҳамкорлиги ярим финал учрашувида мусобақанинг биринчи рақамли жуфтлиги - беларуслик Сергей Бетов ҳамда украиналик Владислав Манафовга 4:6, 7:6(6), тай-брекда 7:10 ҳисобида имкониятни бой бериб қўйди.
Эслатиб ўтамиз, кеча яккалик баҳсларида чорак финал учрашувлари ўтказилган эди. Ушбу босқичга етиб келган ягона вакилимиз Санжар Файзиев 2 соату 6 дақиқа давом этган учрашувда украиналик Вадим Урсуга 6:1, 6:7(4:7), 4:6 ҳисобида ютқазганди.
Ҳавола :
Манба : olamsport.com
Фикрлар