18 янв 09:28
Янгиликлар

Бокс/ММА

Фазлиддин Ғоибназаров тарозига чиқди, эртага жанг!

Бизнинг вақт билан эртага тонг саҳарда Рио Олимпидаси чемпиони Фазлиддин Ғоибназаров профессионал боксдаги еттинчи жангини ўтказади.

Чарм қўлқоп устамиз Доминикан Республикаси боксчиси Рикардо Гарсияга қарши рингга кўтарилади. Эртанги жанг олдидан боксчилар анъанага кўра тарозидан ўтиш маросимида иштирок этишди. Уларнинг ҳар иккиси ҳам белгиланган вазн меъёрини бажаришди.

Маълумот учун, Фазлиддин профессионал рингда 6 маротаба жанг қилган ва уларнинг барчасини ўз фойдасига ҳал қилган (3 та нокаут). Рикардо Гарсия эса 19 маротаба жанг қилиб, 14 маротаба ғалаба қозонган (9 та нокаут). 4 та жангда мағлуб бўлган. Битта баҳсда эса дуранг қайд этган.