18 апр 11:59
Янгиликлар

Бокс/ММА

Фергюсон 5 кун ичида нима учун 11 кг вазн ташлаганини айтди

Хабар берганимиздек, америкалик собиқ вақтинчалик UFC чемпиони Тони Фергюсон 5 кун ичида 11 килограммдан ортиқроқ вазн ташлашга муваффақ бўлганди.

Фергюсон UFC 249 турнири бекор қилинганига қарамай, ўзини қийнаб вазн ташлаган эди. Бунинг сабабларини Тони шундай изоҳлади.

"Бу ишни фақат ўзим учун қилганим йўқ. Оилам, ҳомийларим, жамоадошларим учун амалга оширдим. Жанг ўтказиладими ёки йўқ, бу менинг олдимдаги мажбурият ва бурчим эди", - деди Фергюсон ESPN телеканалига берган интервьюсида.

Эслатиб ўтамиз, кеча Тони Фергюсон ихтиёрий равишда тарозидан ўтган ва 70,3 кг вазн қайд этганди. 13 апрель куни эса у 81,1 кг тош босганди.