16 ноя 09:37
Янгиликлар

Футбол

ФИФА собиқ вице-президенти ЖЧ-2022 мезбонлиги учун Қатардан 80 млн доллар пора сўраган

ФИФА ташкилотида коррупция бўйича гувоҳлардан бири Алехандро Бурcако Нью-Йорк судида чиқиш қилди.

Унинг айтишича, ФИФА собиқ вице-президенти Хулио Грондона Қатардан 80 миллион доллар сўраган ва эвазига ЖЧ-2022 мезбонларини аниқлаш вақтида араб давлатига овоз берган.

Грондона қатарликлар керакли пулни тўлашмаганидан дарғазаб бўлган ва бунинг натижасида гувоҳ бундан хабар топган. 82 ёшли Грондона 2014 йилнинг ёзида юрак хуружи туфайли вафот этганди.

Бурсако – собиқ бош менежери ва Аргентинадаги Torneos Competencias спорт маркетинг компанияси раиси эди. 2015 йилда у ўзини "пул ювиш"даги айбларини тан олган. Бурсако жарима сифатида 21,6 млн доллар тўлашга розилигини айтган.