09 янв 07:57
Янгиликлар

Теннис

Флоридадаги турнирга қуръа ташланди, Нигинанинг рақибаси маълум

Хабар берганимиздек, мамлакатимизнинг иккинчи ракеткаси Нигина Абдураимова янги мавсумдаги илк иштирокини океан ортида бошлайди.

Ҳамюртимиз АҚШнинг Флорида штати Дайтона Бич шаҳрида старт олган “Фьючерс” туркумига кирувчи мусобақада ўз имкониятини синовдан ўтказади. Мусобақанинг соврин жамғармаси 25 000 АҚШ долларини ташкил қилади.

Бугун тонг саҳарда ушбу турнирнинг асосий тўр баҳсларига қуръа ташланди. Абдураимовага илк даврадаёқ жиддий рақиб тушди. Ҳамюртимиз мусобақанинг иккинчи ракеткаси норвегиялик Улрикке Элкерига қарши кортга чиқадиган бўлди.

Таққослаш учун, 25 ёшли Элкери дунё рейтингида 218, 23 ёшли Абдураимова эса 320-ўринни эгаллаб турибди. Хитой Тайпейи вакиласи Чин-Вен Хсу билан тандем ҳосил қилган Нигина жуфтликлар мусобақасида ҳам иштирок этади.