30 май 12:30
Янгиликлар
Теннис
Фольц рейтингда ўзидан 236 поғона юқоридаги теннисчини енгди
Хабар берганимиздек, Андижон шаҳрида хотин-қиз теннисчилар ўртасидаги “Фьючерс” тоифасига кирувчи турнирнинг асосий тўр баҳслари давом этмоқда.
Соврин жамғармаси 25 000 АҚШ долларини ташкил қилувчи ушбу мусобақада бир неча нафар теннисчиларимиз ҳам ўз имкониятларини синовдан ўтказишяпти.
Ҳозиргина якунига етган биринчи давра учрашувида ҳамюртимиз Арина Фольц ажойиб ғалабага эришди. Дунё рейтингида 703-ўриндан жой олган вакиламиз ўзидан 236 поғона юқорида турган россиялик Алена Тарасовни мағлуб этишнинг уддасидан чиқди.
Бир соату 52 дақиқа давом этган учрашувда асосий тўрга имтиёзли равишда қўйилган Фольц 6:4, 1:6, 6:3 ҳисобида ғалаба қозонди. Унинг иккинчи даврадаги рақибаси қозоғистонлик Камила Керимбаева бўлади.
Ҳавола :
Манба : olamsport.com
Фикрлар