ФОТО. "Бунёдкор"да хотира ва қадрлаш куни!

Шу муносабат билан кеча, “Бунёдкор” клуби бир қатор футбол фахрийлари, уруш қатнашчилари ва журналистлар учун байрам дастурхонини ёзди.

Тадбирда “Бунёдкор” футбол клуби директори Мурод Алиев, бош мураббий Миржалол Қосимов, ЎФФ фахрийлар кенгаши раиси Наримон Жалолов, иккинчи жаҳон уриши қатнашчилари бўлган Геннадий Васильевич Ботанин ҳамда Тельман Абдулович Абдураҳманов, “Нуроний” жамғармаси Тошкент шаҳар Кенгаши раиси Маҳмуд Зуфаров сўзга чиқиб йиғилганларни байрам билан табриклашди.

Ўтганлар ёд этилиб қуръон тиловат қилинди, байрам дастурхонига миллий таомимиз бўлган палов тортилди. Барча бир-бири билан дилдан суҳбат қурди.

Тадбир сўнггида “Бунёдкор” футбол клуби томонидан фахрийларга эсдалик совғалари топширилди.