06 фев 08:19
Янгиликлар

Бокс/ММА

ФОТО. Муроджон Аҳмадалиев АҚШга жўнаб кетди, чемпионлик жанги яқин!

Профессионал бокснинг биринчи ярим енгил (-55,34 кг) вазн тоифасида мағлубият нималигини билмай келаётган ҳамюртимиз Муроджон “Кака” Аҳмадалиев кеча тунда АҚШга жўнаб кетди.

Аҳмадалиев Тошкент - Москва авиарейси орқали Нью-Йоркка учади. У шу кунгача 5 та жанг ўтказиб, уларнинг барчасида ғалабага эришган. Нокаут эвазига қўлга киритилган ғалабалари сони 4 та. Ҳозирда WBA Intercontinental чемпионлик камари эгаси бўлиб турибди.

Кеча матбуотда чарм қўлқоп устамизнинг кейинги жангини амалдаги WBA йўналиши чемпиони америкалик Даниэль Романга қарши ўтказиши ҳақида хабарлар пайдо бўлганди. Бу маълумотни ҳамюртимиз мижоз бўлган Россиянинг “Мир бокса” промоутерлик компанияси менежери Вадим Корнилов ҳам тасдиқлаганди.

Аҳмаджонов ва Романнинг промоутерлари яқин 24 соат ичида жанг ўтказиш ва унинг шартлари бўйича келишиб олишлари лозим. Акс ҳолда бошқа промоутерлар ўртасида очиқ савдо ўтказилади.

Маълумот учун, Роман проф боксдаги фаолияти давомида жами 29та жанг ўтказган. Жангларнинг 26тасида ғалабага эришган. Икки жангда дуранг натижа қайд этилган. Фақат бир маротаба мағлубият аламини тотиб кўрган.