30 янв 14:15
Янгиликлар

Футбол

“Футбол қоидаларидаги ўзгаришлар” мавзусида ОАВ ходимлари учун семинар ўтказилади

2017 йилнинг 3 февраль, жума куни Ўзбекистон Футбол Федерацияси анжуманлар залида ОАВ ходимлари учун “Футбол қоидаларидаги ўзгаришлар” мавсузида ўқув-амалий семинар бўлиб ўтади.

Семинар ФИФА реферилари Равшан Эрматов ва Владислав Цейтлин ҳамда ФИФА ва ОФК инструктори Фарҳод Абдуллаев томонидан олиб борилади.

Дастлаб, соат 9:00 да ЎФФнинг сунъий қопламали майдонида амалий машғулотлар олиб борилади. Интерактив машғулотлар 15–20 дақиқа давом этади.

Шундан сўнг, ЎФФ анжуманлар залида 12:00 га қадар семинар бўлиб ўтади. Ўқув-амалий семинарда футбол қоидаларидаги ўзгаришлар ҳақида маълумотлар берилади. Барча ОАВ вакиллари мазкур семинарда иштирок этиши мумкин.