25 янв 08:51
Янгиликлар

Бокс/ММА

Фёдор Емельяненко: Менга Макгрегорнинг иши ёқмаяпти

Россиялик машҳур аралаш қоидалар жангчиси Фёдор Емельяненко икки вазнда собиқ UFC чемпиони Конор Макгрегор ҳақида фикр билдирди.

“Макгрегор? Шахсан менга унинг қилаётган ишлари ёқмаяпти. Ўйлашимча, у биринчи галда тилига эхтиёт бўлиши лозим. Албатта, спортда шоу ҳам керак, лекин ҳамма нарсанинг ҳам чегараси бор. Конор одамларни ўзига қаратиш йўлида ҳеч нарсадан қайтмаяпти. Энг ёмони, одамларнинг ўзи ҳам негатив нарсаларга эътибор қаратадиган бўлиб қоляпти”, - деди Емельяненко.

Эслатиб ўтамиз, Фёдор Емельяненко 25 январь куни АҚШда Bellator Гран-присининг финал жангида америкалик Райан Бэйдерга қарши октагонга чиқади.