13 фев 19:17
Янгиликлар
Гандбол
Гандбол. Олмалиқда Ўзбекистон чемпионати старт олди
Пойтахт вилоятининг Олмалиқ шаҳрида гандбол бўйича ҳам эркаклар, ҳам аёллар жамоалари ўртасида мамлакат чемпионатининг 1-тур учрашувлари бошланди.
Аёллар ўртасидаги баҳсларда Самарқанднинг “Булунғур” жамоаси қорақалпоғистонлик қизлардан 40:23 ҳисобида устун келди. Андижон олимпия захиралари коллежи жамоаси Сирдарё вилояти терма жамоасини 38:22 ҳисобида мағлуб этди.
Чемпионлик учун асосий даъвогар ҳисобланган Олмалиқнинг ОКМК қўл тўпи усталари Ўзбекистон ёшлар терма жамоасини 52:34 ҳисобида енгишди. Наманган вилояти ҳамда Қашқадарёнинг “Ғузор” жамоалари учрашувида 36:36 ҳисоби қайд этилди.
Эркаклар жамоалари ўртасидаги мусобақада Олмалиқнинг ОКМК ҳамда Республика олимпия захиралари коллежи жамоалари чемпионлик учун асосий даъвогар эканликларини илк ўйиндаёқ исботлашди. ОКМК Навоийнинг “Сўғдиёна”сини 53:7, РУОР эса Сирдарё вилояти терма жамоасини 51:22 ҳисобида мағлубиятга учратди.
Ҳавола :
Манба : olamsport.com
Фикрлар