15 апр 10:55
Янгиликлар

Теннис

Гаске Монте-Карло “Мастерс”ида иштирок этмайди

Франциянинг Монте-Карло шаҳрида ўтказиладиган “Мастерс” сериясига кирувчи нуфузли турнирда қатнаша олмайдиган теннисчилар сафи ортиб боряпти.

Рожер Федерер, Кеи Нисикори, Ник Кирьос, Милош Раоничдан сўнг энди франциялик Ришар Гаске ҳам турнирда қатнаша олмаслигини маълум қилди. Бунга теннисчининг жароҳати сабаб бўлган.

Аввалроқ, ҳамюртимиз Денис Истомин ҳам грунт қопламада ўтказиладиган ушбу нуфузли турнирда қатнашмаслигини билдирганди. Мамлакатимизнинг биринчи ракеткаси айни пайтда белидан олган жароҳатини даволаяпти.