22 окт 13:16
Янгиликлар

Бокс/ММА

Гассиев Влодарчикни нокаутга учратиб, ярим финалга чиқди

АҚШнинг Ньюарк шаҳрида профессионал бокс кечаси бўлиб ўтди.

Бутунжаҳон бокс суперсериясининг чорак финалидан ўрин олган сўнгги жангда биринчи оғир вазн тоифасида IBF чемпиони россиялик 24 ёшли Мурат Гассиев рингга кўтарилди.

Гассиевнинг 12 раундга мўлжалланган чемпионлик жангидаги рақиби польшалик 36 ёшли Кшиштоф Влодарчик бўлди. Учинчи раундда Мурат жигар қисмига берган кучли зарбаси эвазига рақибини нокаутга учратди.

Ушбу ғалаба эвазига Гассиев суперсериянинг ярим финалига йўл олди. Унинг финал остонасидаги рақиби WBA йўналиши чемпиони кубалик Юньер Дортикос бўлади.