05 май 10:13
Янгиликлар

Бокс/ММА

Геннадий Головкинда янги мураббий

Ўрта вазн тоифасида собиқ жаҳон чемпиони Геннадий Головкин янги мураббийи номини эълон қилди.

Қозоғистонлик 37 ёшли боксчи 8 июнь кунига белгиланган жангига Жонатан Бэнкс қўл остида тайёргарлик кўради. Бэнкс машҳур мураббий Эмануэль Стюарднинг шогирди ҳисобланади. Стюард украиналик Владимир Кличконинг мураббийи бўлган.

Ўша пайтларда Бэнкс Стюарднинг ёрдамчиси вазифасини бажарган. Эммануэлнинг ўлимидан кейин эса Жонатаннинг ўзи Владимирга устозлик қилган. Айни пайтда Бэнкс ярим ўрта вазн тоифасида WBA, WBC, WBO ва IBF йўналишлари чемпиони норвегиялик Сесилия Брекхусга мураббийлик қилмоқда.