Германия U-21 – Европа чемпиони!

Улар ҳал қилувчи финал учрашувида Испания терма жамоасини кичик 1:0 ҳисобида мағлуб этишди. Ягона гол 40-дақиқада Митчелл Вайзер томонидан киритилди. Вайзер Жереми Толян узатиб берган тўпни боши билан дарвозанинг юқори “тўққизлиги”га жойлаб қўйди.

Шу тариқа, Германия терма жамоаси ўз тарихида иккинчи бор Европа чемпионига айланди. Олмонияликлар 2009 йилда ҳам қитъанинг тенгсиз жамоаси бўлишган эди.

Бу ёш тоифасида Италия терма жамоаси рекордчи ҳисобланади. “Мовий гвардиячилар” ўз тарихларида 5 маротаба Европа чемпиони бўлишган.

Германия – Испания 1:0

Гол: 1:0 – 40 Вайзер.

Германия U-21: Поллерсбек, Кемпф, Штарк, Толян, Вайзер, Филипп (Озтуналы, 87), Хаберер (Кор, 83), Арнольд, Майер, Гнабри (Амири, 81), Герхардт.

Испания U-21: Аррисабалага, Хорхе Мере, Кастро (Гайя, 51), Бельерин, Вальехо, Себальос, Маркос Льоренте (Майораль, 83), Асенсио, Сауль, Деулофеу, Сандро Рамирес (Иньяки Уильямс, 71).

Огоҳлантиришлар: Сауль (43), Арнольд (47), Хаберер (50), Штарк (52), Маркос Льоренте (54), Майер (78), Вальехо (89).