13 июл 09:40
Янгиликлар

Бокс/ММА

Германиядаги ЖЧда Қозоғистон ҳам Ўзбекистон каби 10 нафар боксчи билан иштирок этадиган бўлди

Бокс бўйича Қозоғистон терма жамоаси аъзолари Тошкентда бўлиб ўтган Осиё чемпионатида ЖЧ учун 9 на йўлланма ютиб олгандилар.

Аммо, яқинда Қозоғистон бокс федерациясига AIBA номидан хат келди. Унда ёзилишича, индонезиялик боксчи Корнелиус Кванг Ланг (-49 кг) Гамбургдаги жаҳон чемпионатида иштирок этишдан бош тортибди.

У ЖЧ йўлланмасини қозоғистонлик Жомарт Ержанга қарши жангда ютиб олганди.

Қоидага биноан, ЖЧда иштирок этиш ҳуқуқидан воз кечган боксчининг йўлланмаси рейтингда ундан кейинги спортчига ўтади.

Шу тариқа, Жомарт Германиядаги жаҳон чемпионатига борадиган бўлди. Бу дегани, Қозоғистон терма жамоаси жаҳон чемпионатида тўлиқ - 10 кишилик таркиб билан иштирок этади.