02 авг 08:38
Янгиликлар

Бокс/ММА

Гэтжи билан жангда юзи "таъмирталаб" бўлиб қолган Топурия ҳозирги ҳолатини кўрсатди + ФОТО

UFC`нинг икки вазн тоифасидаги собиқ чемпиони Илия Топурия сўнгги жангидан бир ярим ой ўтиб юзи акс этган суратни эълон қилди.

15 июнь куни Вашингтон (АҚШ) шаҳридаги Оқ уй ҳудудида бўлиб ўтган UFC Freedom 250 турнирида Топурия америкалик Жастин Гэтжи билан жанг қилиб, техник нокаут эвазига мағлуб бўлганди. Жангдан сўнг асли грузиялик спортчининг кўз косаси ва бурни сингани маълум бўлган ҳамда касалхонага ётқизилганди.

Маълумот учун, 29 ёшли Илия Топурия UFC`да 2020 йилдан буён иштирок этиб келади. 2024 йилда у ярим енгил вазн тоифасида (65 кг гача) чемпион бўлди ва бир марта чемпионлик камарини ҳимоя қилди. 2025 йилда эса енгил вазн тоифасида (70 кг гача) чемпионлик унвонини қўлга киритди. У ташкилотда жами тўққизта ғалаба ва битта мағлубият қайд этган.