15 окт 11:51
Янгиликлар

Теннис

Гильермо Гарсия-Лопес: “Истомин чарчаб қолганди”

Испаниялик 34 ёшли теннисчи Гильермо Гарсия-Лопес Тошкент Челленжер турниридаги ғалабасидан сўнг ўз фикрлари билан ўртоқлашди.

Ўз вақтида дунёнинг 23-ракеткаси бўлган Гарсия соврин жамғармаси 150 000 долларни ташкил қилган Тошкент Челленжер турнирининг финалида польшалик рақибидан, ярим финалда эса ҳамюртимиз Денис Истоминдан устун келган эди.

“Бу турнирдаги ғалаба мен учун жуда ҳам керак эди. Боиси, шу йўл билан мен яна ТОП-100га қайтардим. Вазифани бажарганимдан хурсандман. Энг қийин учрашув Денисга қарши ярим финалда бўлиб ўтди.

Назаримда, Истомин Чэндудаги турнирда анча куч йўқотди. Унда чарчоқ аломатлари кўзга ташланиб қолди. Насиб қилса, келаси йили Тошкентга яна келаман ва чемпионлик титулимни ҳимоя қиламан”, - деди Гарсия.