16 сен 12:33
Янгиликлар
Бокс/ММА
Головкиннинг мураббийи: “Канело”га қарши учинчи жанг ўтказилиши мумкин”
Қозоғистонлик боксчи Геннадий Головкиннинг мураббийи Абель Санчес шогирдининг Сауль “Канело” Альваресдан қабул қилган бугунги мағлубиятига изоҳ берди.
“Бугунги бокс мухлислари ажойиб жангнинг гувоҳига айланишди. Ўн иккинчи раундгача деярли тенг вазият ҳукмронлик қилди. Бу менинг шахсий кузатувим. Ҳакамлар эса турли бурчаклардан жангни кузатишди.
Шундай бўлсада, мен ҳакамларнинг қарорига эътироз билдирмайман. Лекин бугунги баҳс учинчи жангнинг ўтказилишига етарлича асос бўла олди”, - деди Санчес.
Таъкидлаш жоиз, Головкин ҳакамлар қарори эълон қилиниши ҳамоноқ рингни тарк этди. У ҳеч кимга интервью ҳам бермади. Бугунги мағлубиятдан сўнг Геннадий ўзига тегишли бўлган ўрта вазн тоифасидаги WBC, WBA (Super) ва IBO чемпионлик камарларини бой берди.
Ҳавола :
Фикрлар