19 июн 10:44
Янгиликлар

Бокс/ММА

Головкиннинг мураббийи: “Сауль Альварес нокаутга учрайди”

Профессионал бокснинг ўрта вазн тоифасида учта йўналиш бўйича жаҳон чемпиони бўлиб турган қозоғистонлик Геннадий Головкин ҳамда мексикалик даъвогар Сауль “Канело” Альварес ўртасидаги реванш жангининг расман ўтказилиши маълум қилинган эди.

Шундан сўнг ҳар икки боксчининг помоутерлари, менежерлари ва мураббийлари ўртасида даханаки сўз жанглари бошланиб кетди. Жумладан, Головкиннинг мураббийи Абель Санчес бўлажак жангда Геннадий рақибини нокаутга учратишини тахмин қилмоқда.

Ўз ўрнида Альвареснинг мураббий ва менежерлари Сауль Головкиндан муносиб тарзда реванш олишини ва турли гап-сўзларга ҳожат қолдирмаслигини айтишдан чарчашмаяпти.

Эслатиб ўтамиз, Геннадий Головкин ва Сауль “Канело” Альварес ўртасидаги чемпионлик жанги 15 сентябрь куни АҚШнинг Невада штати Лас-Вегас шаҳрида бўлиб ўтади.