Дмитрий Бивол ўз юртидаги ва хориждаги баҳслар нимаси билан фарқ қилишини айтди

Шунингдек, у 2021 йилда Екатеринбургда Умар Саламовга қарши жанг қилганидан буён RCC Boxing промоутерлик компанияси қандай ўзгаргани ҳақида фикр билдирди.

"Беш йил давомида хорижда бокс тушганимдан кейин Россияга қайтиб, албатта, улкан қўллаб-қувватлашни ҳис қилдим. Бу қўллаб-қувватлаш бир неча баробарга ошган. Компаниянинг [RCC Boxing] кўлами ва сифатини, тадбирларни қандай ташкил этишини, тарози маросимини қандай ўтказишини, жангнинг ўзи қандай ташкил қилинишини, бутун промоушен ҳозир қандай ишлаётганини кўрдим. Беш йил ичида кўп нарса ўзгарибди ва бу ўзгаришлар ижобий томонга.

Россияда бокс тушишнинг АҚШ, Саудия Арабистони ёки бошқа жойлардаги жанглардан асосий фарқи, албатта, мени қўллаб-қувватлайдиган мухлисларнинг жуда кўплигида. Рус тилида мулоқот қилиш ҳам осонроқ, бу жуда илиқ ва ёқимли!" — деди Бивол.