"Усман UFC'га керак. У ерда бундай йигитларни яхши кўришади". Царукян Нурмагомедовнинг жанжалдан кейинги келажаги ҳақида гапирди

"Гўёки жанжал иштирокчиларига нисбатан қонун бўйича оқибатлар бўлар экан. Менимча, энг камида ҳаммани депортация қилишади. Мерабни ҳам. Чунки Абу-Даби қоидаларига кўра, агар сенга зарба беришса, жанжални бошлашга ҳаққинг йўқ. Умид қиламанки, ҳаммани қўйиб юборишади.

Албатта, Усман UFC'га керак. Аксинча, UFC бундай йигитларни яхши кўради. Масалан, ҳозир Усман ва Илия ўртасида жанг ташкил қилинса, нақадар зўр бўларди. Аммо менимча, Илия ҳеч қачон Усман билан жанг қилмайди. У эҳтиёткор бўлади, айниқса, сўнгги жангидан кейин у билан тўқнаш келмайди. Менимча, Илия ўзи учун нисбатан қулайроқ рақибни танлайди, жанг қилади, қандай формада эканини текширади ва шундан кейингина Усман билан октагонга чиқади", — деди Царукян.