Grand Chess Tour: Super Chess Classic Romania 2026. 1-турнинг барча партияларида бир хил натижа қайд этилди

Мусобақада юқори рейтингга эга ўн нафар гроссмейстер бош соврин ҳамда катта мукофот пуллари учун баҳсга киришди. Улар орасида "Номзодлар турнири" ғолиби Жавоҳир Синдаров ҳам бор. Ҳамюртимиз 1-турни қора доналарда руминиялик Богдан-Даниэль Дикка қарши ўтказиб, якунда дурангга имзо чекди. 

Эътиборлиси, қолган барча партияларда ҳам томонлар муросага келишган. Бугун 2-турда Жавоҳир Синдаров оқ доналарда ҳиндистонлик Рамешбабу Праггнанандҳага қарши баҳс олиб боради. Бугунги учрашувлар ҳам бизнинг вақт билан соат 18:00да бошланади. Чемпион 100 000 долларни қўлга киритади. 

Grand Chess Tour: Super Chess Classic Romania 2026. 2-тур жуфтликлари

Фабиано Каруана (АҚШ) — Аниш Гири (Нидерландия)

Жавоҳир Синдаров (Ўзбекистон) — Рамешбабу Праггнанандҳа (Ҳиндистон) 

Винсент Кеймер (Германия) — Богдан-Даниэль Дик (Руминия) 

Йорден ван Форест (Нидерландия) — Уэсли Со (АҚШ)  

Алиреза Фирузджа (Франция) — Максим Вашье-Лаграв (Франция)