Grand Chess Tour: Super Chess Classic Romania 2026. Cиндаров 2-турда азалий ҳинд рақиби билан ўйнади

Мусобақада юқори рейтингга эга ўн нафар гроссмейстер бош соврин ҳамда катта миқдордаги мукофот пуллари учун баҳс олиб боришяпти. Улар орасида "Номзодлар турнири" ғолиби Жавоҳир Синдаров ҳам бор. Ҳамюртимиз 1-турда қора доналарда руминиялик Богдан-Даниэль Дикка қарши ўтказиб, якунда дурангга имзо чекканди. 

Афсуски, кеча оқшом ўтказилган 2-турда Жавоҳир оқ доналарда ўйнаганига қарамай, ҳиндистонлик азалий рақиби Рамешбабу Праггнанандҳага имкониятни бой бериб қўйди. Сўнгги иккита турнирда Синдаровнинг ўйинида пасайиш кузатилди. Кечаги мағлубиятдан кейин ҳамюртимиз 0,5 очко билан қўшимча кўрсаткичларга кўра охирги ўринга тушиб кетди. 

Иккинчи турда франциялик Максим Вашье-Лаграв қора доналарда ўйнаб, ватандоши Алиреза Фирузджани таслим этди ва 1,5 очко билан қўшимча коэфицентлар ҳисобига пешқадамликни қўлга олди. Рамешбабу ва германиялик Винсент Кеймер ҳисобида ҳам 1,5 очкодан бор ва улар кучли учликни якунлаб туришибди. Кеча Кеймер мезбонлар вакили Богдан-Даниэл Дикдан устун келган.  

Эътиборлиси, бугун 3-турда Жавоҳир Синдаров карвонбоши Максим Вашье-Лагравга қарши қора доналарда ўйнайди ва агар ғалаба қозонса, вазиятини анча ўнглаб олади. Бугунги учрашувлар ҳам бизнинг вақт билан соат 18:00да бошланади. Чемпион 100 000 долларни қўлга киритади.