Гризманнга Евро-2016нинг “энг яхши футболчиси” мукофоти топширилди

Кеча ўтказилган ЖЧ-2018 саралаш босқичи доирасидаги Болгария терма жамоасига қарши кечган ўйин олдидан ушбу тадбир ташкил этилди. 25 ёшли футболчи Европа чемпионатида 6та гол киритган ва 2та голли узатмаган муаллифлик қилганди.

Мукофотни қабул қилиб олган Гризманн бунга муносиб эканлигини яна бир бор исботлади. Франциянинг 4:1 ҳисобидаги ғалабаси билан якунланган учрашувда Антуан жарима майдони ташқарисидан чиройли тарзда рақиб дарвозасини ишғол қилди.