“Губернатор кубоги”. Етти боксчимиз рингга чиқадиган финал жуфтликлари

Хабар берганимиздек, кеча мусобақада ярим финал жанглари ўтказилиб, финалга йўл олган боксчилар номи маълум бўлган эди. Эртага ўтказиладиган финал жангларида 7 нафар чарм қўлқоп устамиз рингга кўтарилади. 

Улардан икки нафари - Рио Олимпиадаси чемпиони Шаҳобиддин Зоиров ҳамда Миразиз Мирзаҳалилов -56 кг вазнда ўзаро чемпион номини аниқлашади. 

Финал жуфтликлари:

-49 кг: Ҳасанбой Дўсматов - Батор Сагалуев (Россия)

-56 кг: Шаҳобиддин Зоиров - Миразиз Мирзаҳалилов

-60 кг: Шунқор Абдурасулов - Алберт Батыргазиев (Россия)

-75 кг: Исроил Мадримов - Глеб Бакши (Россия)

-81 кг: Бектемир Мелиқўзиев - Георгий Кушиташвили (Россия)

+91кг: Баҳодир Жалолов - Владислав Муравин (Россия)

Ярим финалда мағлубиятга учраган Жасурбек Латипов, Иқболжон Холдоров ва Санжар Турсуновлар халқаро турнирнинг бронза медали билан тақдирланишди.