25 мар 18:16
Янгиликлар

Бокс/ММА

Гуламирян WBA чемпионлик камарини қўлга киритди

Франциялик боксчи Арсен Гуламирян биринчи оғир вазн тоифасида вакант бўлиб қолган WBA чемпионлик камарига эга чиқди.

Асли келиб чиқиши арманистонлик бўлган Арсен бельгиялик рақиби Рияд Мерхини мағлубиятга учратди. Ушбу чемпионлик жанги Франциянинг Марсель шаҳрида бўлиб ўтди.

Жангнинг 11-раундида кетма-кет зарбаларни ўтказиб юборган Мерхи нокдаун ҳолатига тушиб қолди. Рефери эса бу вазиятда жангни тўхтатишдан ўзга чора топа олмади. Гуламирян чемпионлик камарини қўлга киритиш баробарида Риядга фаолиятидаги илк мағлубиятни ҳам тақдим этди.