Гулноза Матниязова бронза медали соҳибаси

Айни дақиқаларда умумий мукофот жамғармаси 154 00 еврони ташкил этувчи мусобақанинг иккинчи кунги финал беллашувлари ўтказиляпти. Ҳозиргина -70 кг вазн тоифасидаги бронза медали учун кечган баҳс якунига етди. 

Унда терма жамоамизнинг тажрибали дзюдочиси Гулноза Матниязова қозоғистонлик Зере Бекташкизини мағлубиятга учратиб, Улан-Батор "Катта Дубулға" турнирининг бронза медалини қўлга киритди. Гулноза шунингдек, муҳим 500 рейтинг очкосини ҳам ўз ҳисобига ёзиб қўйди.  

Шу тариқа, Ўзбекистон терма жамоаси бугунги кун баҳсларини 2 та бронза медали билан якунлади. Жамоамиз ҳисобида ҳозирча 1 та олтин, 2 та бронза медали бор. Эртага оғир вазн тоифасидаги дзюдочиларимиз медаллар учун курашга киришадилар.