27 мар 19:21
Янгиликлар

Дзюдо

Гулноза Матниязова Тбилиси "Катта Дубулға" совриндори!

Терма жамоамиз аъзоси Гулноза Матниязова қаторасига иккинчи "Катта Дубула" турнирида ҳам шохсупага кўтариладиган бўлди.

Ҳамюртимиз Тбилиси "Катта Дубулға" турнирининг бронза медалига сазовор бўлди. -70 кг вазн тоифасидаги баҳсларда юртимиз шарафини ҳимоя қилган Гулноза бронза медали учун кечган беллашувда словакиялик Анка Погачникни вазари баҳоси эвазига мағлубиятга учратди.

Эътиборга молик жиҳати шундаки, Матниязова уч ҳафта аввал пойтахтимизда ўтган Тошкент "Катта Дубулға" турнирининг бронза медали учун кечган баҳсида ҳам айнан Анкадан устун келганди.