Гулноза ва Диёра Исроилга жўнаб кетди

Ушбу сафардан кўзланган мақсад - Исроил терма жамоаси аъзолари билан ўтказиладиган қўшма ўқув-машғулот йиғинида иштирок этиш. Дзюдочиларимиз билан бирга мураббий Сардор Ниязметов ҳам Исроил давлатига йўл олди. 

Исроилдаги ўқув-машғулот йиғини 12 кунга мўлжалланган. Кадетлар ўртасида жаҳон, катталарда Осиё чемпиони Диёра Келдиёрова, ўтган йилги Тошкент Гран-присининг кумуш медали соҳибаси, Осиё чемпионати совриндори Гулноза Матниязова Токио-2020 Олимпиадаси йўлланмалари учун даъвогарлик қилмоқда. 

Қизларимиз Европа мамлакатидаги машғулотлар орқали январь ойида Қатарда ўтказиладиган 2021 йилнинг илк мусобақасига тайёргарлик кўришади.