04 мар 10:27
Янгиликлар

Бокс/ММА

Ҳамюртимизнинг россиялик "шогирди" чемпионлик камарини ҳимоя қилди

Ҳозиргина АҚШнинг Нью-Йорк шаҳрида профессионал бокс кечаси якунланди.

Оқшомнинг марказий жангида ярим оғир вазн тоифасида WBO йўналиши чемпиони бўлиб турган россиялик Сергей Ковалёв ҳамюрти Игорь Михалкиндан чемпионлик камарини ҳимоя қилди.

Ўн икки раундга мўлжалланган жанг муддатидан аввал якунига етди. Еттинчи раундда рефери жангни тўхтатишга мажбур бўлди. Бу вақтга келиб Михалкин кучли зарбаларни ўтказиб юборганди. Ковалёв чиройли ғалаба эвазига чемпионлик камарини ҳимоя қилди.

Эътиборлиси, Ковалёвга ўзбекистонлик мураббий Аброр Турсунпўлатов устозлик қиляпти. Турсунпўлатов Олимпиада чемпиони Фазлиддин Ғоибназаровнинг шахсий мураббийи ҳисобланади.