31 авг 16:07
Янгиликлар

Бокс/ММА

"Ҳеч ким бу жангга рози бўлмайди" — Хукер Усман Нурмагомедовнинг UFCдаги эҳтимолий дебюти ҳақида гапирди

UFC жангчиси Дэн Хукернинг фикрича, PFL чемпиони Усман Нурмагомедовни UFCга олиб кириш учун жанг таклиф қиладиган инсон айнан ўзи бўлади.

"Бу худди мен Майкл Чендлер билан жанг қилганимдагидек ҳолат. Парнасс билан ҳам шундай бўлган. Усман билан ҳам худди шу нарса такрорланади.

Бу жангга бошқа ҳеч ким рози бўлмайди. Нима деб ўйлайсиз, Илия Топурия рейтингда йўқ, ҳатто UFCда ҳам жанг қилмайдиган рақибга қарши чиқиб, таваккал қиладими? Дивизиондаги бошқа жангчилар ҳам бундай хатарни исташмайди.

Шунинг учун улар Дэн Хукерга қўнғироқ қилишади, бироз пул таклиф қилишади ва мен бу йигитларни катта лигага таклиф қиламан", — деди Хукер.