08 фев 17:56
Янгиликлар

Дзюдо

Ҳикматуллоҳ Тўраев амалдаги Олимпиада чемпионини мағлуб этди

Париж татамиларида ўтказилаётган "Катта Дубулға" туркумига кирувчи турнирнинг биринчи кунги баҳслари ўзининг қизғин палласига кириб бормоқда.

Ҳозиргина -73 кг вазн тоифасида юртимиз шарафини ҳимоя қилаётган дзюдочимиз Ҳикматуллоҳ Тўраев чорак финал йўлланмасини қўлга киритди. Тўраев нимчорак финал беллашувида Рио-2016 Олимпиадаси чемпиони, италиялик Фабио Базилени вазари баҳоси эвазига мағлубиятга учратди.

Бироздан сўнг юртдошимиз чорак финал баҳсида мўғулистонлик Цогтбаатар Ценд-Очирга қарши татамига чиқади. Мўғул дзюдочиси нимчорак финалда польшалик рақибидан устун келган.