06 ноя 15:26
Янгиликлар

Хоккей

"Ҳумо" қайтяпти: жамоа Ўзбекистон очиқ чемпионатида иштирок этишини тасдиқлади. Бугун илк ўйин!

Тошкентнинг "Ҳумо" хоккей клуби 2025–2026 йилги мавсумни Ўзбекистон Республикаси очиқ чемпионатида ўтказади.

Бу ҳақда клуб матбуот хизмати хабар берди.

"Жамоамиз соврин учун курашадиган бешта жамоадан бири бўлади. Рақибларимиз орасида Қирғиз Республикаси ва Ўзбекистондан иккитадан жамоа бўлади. Мусобақанинг дастлабки сафар ўйинлари яқин кунларда Бишкекда ўтказилади.

Жамоа таркиби ва ўйинлар жадвали ҳақида янгиликларни ижтимоий тармоқларимизда кузатиб боринг", дейилади хабарда.

"Қанотлилар"нинг чемпионатдаги илк ўйини бугун сафарда "Учур" (Қирғиз Республикаси) клубига қарши бўлади. Учрашув Тошкент вақти билан соат 19:30 да "Бишкек Арена"да бошланади.