"Ҳумо" хоккейчилари Қозоғистон чемпионатида декабрь ойининг энг яхшилари бўлишди

Шу боис, декабрь ойи рейтингидаги барча номинациялар бўйича ғолибликни Тошкент жамоаси вакиллари қўлга киритишди.

Энг яхши дарвозабон – Константин Козловский ("Ҳумо")

Козловский "Ҳумо"нинг муваффақиятида катта роль ўйнади. У музга тушган 7 ўйиннинг 6 тасида жамоа ғалаба қозонди. Ягона мағлубият "Бейбарйс"га қарши ўйинда қайд этилди (1:0). Ўртача ҳисобда у ҳар ўйинда 1,61 гол ўтказиб юборди ва зарбаларнинг 93,15% ни қайтарди. Дарвозабон декабрь ойида жами 372 дақиқа ва 26 сония музда бўлиб, бу кўрсаткич бўйича лиганинг энг яхши натижасини қайд этди.

Энг яхши ҳимоячи – Эдгар Сиксна ("Ҳумо")

Учрашувларнинг дастлабки уч ойи давомида Сиксна 9 очко тўплаган бўлса, декабрда унинг ҳисобига 7 очко қўшилди: у битта гол урди ва 6 голли узатма берди (+2 фойдалилик кўрсаткичи). Ушбу ўйинлар давомида ҳимоячи атиги 4 жарима дақиқаси ишлади.

Энг яхши ҳужумчи – Вадим Кравченко ("Ҳумо")

Тажрибали ҳужумчи декабрда жамоасига сезиларли даражада ёрдам берди. Кравченконинг ҳисобида 7 гол ва 6 голли узатма бор (+5 фойдалилик кўрсаткичи). У 10 ўйиндан 8 тасида очко тўплади. Агар у очко тўпламаган бўлса, жамоа мағлуб бўлган. Шу жумладан, бир хет-трик қайд этди, икки голи “Ҳумо” учун ҳал қилувчи бўлди. Кравченко декабрь ойида 56 марта дарвозага зарба йўллаб, лиганинг энг кўп зарба берган ўйинчиси бўлди.