IBF рейтинги янгиланди. Ўзбек боксчиларининг ўрни ўзгаришсиз қолди

Ушбу рейтингдан ўзбекистонлик уч нафар боксчи ўрин олган. Эълон қилинган янги рейтингда ўзбекистонлик боксчиларнинг ўрни ўзгаришсиз қолган.  

Муроджон Аҳмадалиев иккинчи енгил вазн тоифасида (-55,3 кг) чемпион сифатида қайд этилган. Аҳмадалиев шунингдек WBA йўналиши чемпиони ҳам ҳисобланади. 

Биринчи ярим ўрта вазн тоифасида (-63,5 кг) Шоҳжаҳон Эргашев тўртинчи ўринга жойлашган. Ушбу вазнда чемпионлик камари Жош Тейлорга тегишли. 

Яримўрта вазн (-66,6 кг) тоифасида Қудратилло Абдуқаҳҳоров эса аввалгидек 1-поғонадан жой олган. У мазкур вазн тоифасида чемпионлик камари учун асосий даъвогар ҳисобланади. Айни пайтда IBF камари Эррол Спенсга тегишли.