22 мар 17:11
Янгиликлар

Бокс/ММА

IBF ва WBA чемпиони камарини ҳимоя қилади, рақиб маълум!

Биринчи ўрта вазн тоифасида IBF ва WBA йўналишлари чемпиони Жарет Хёрд 11 май куни рингга чиқади.

Хёрд IBF камарини расмий даъвогар Жулиана Уильямсдан ҳимоя қилади. Ушбу чемпионлик жанги АҚШнинг Виржиния штати Фэйрфакс шаҳрида бўлиб ўтади. Жарет ўтган йилнинг апрель ойида чемпионлик камарларини бирлаштириб олганди.

Хёрд декабрь ойида Жейсон Уэлборндан камарини ҳимоя қилганди. Аввалроқ Жарет Хёрднинг ушбу вазнда WBC чемпиони Жермелл Чарло билан бирлаштирувчи чемпионлик жангида рингга кўтарилиши айтилганди. Лекин Чарло кутилмаганда Тони Харрисонга имкониятни бой бериб қўйган эди.