Иэн Гэрри: "Махачев билан қафасга кирганимда, нима учун буюк жангчи эканимни исботлайман"

"Менинг сўнгги беш рақибим ва Махачевнинг рақибларига қарасангиз, қайси бири кучлироқ бўлгани ҳақида баҳс қилишнинг ўзига ҳожат йўқ. Мен Билол Муҳаммад, Шавкат Раҳмонов, Карлос Пратес ва Майкл Пейжга қарши жанг қилдим. Ҳатто шу тўрт нафарнинг ўзи ҳам дунёдаги энг қийин ва хавфли рақиблар қаторига киради.

Махачев эса Жек Делла Маддалена, Ренато Мойкано, Дастин Порье ва Алекс Волкановскига қарши жанг қилди. Дастин ва Алекс афсона ҳисобланади, аммо улар мен санаган жангчилар каби хавфли эмас. Менинг рақибларим бўй жиҳатидан ҳам, жисмонан ҳам каттароқ эди.

Шавкат 18 та муддатидан олдинги ғалаба серияси билан келган эди, Пратес эса кетма-кет 11 та нокаутли ғалабага эга эди. Мен энг кучли рақибларга қарши жанг қилдим. Махачев билан қафасга кирганимда, нима учун буюк жангчи эканимни исботлайман", — деди Гэрри.