06 июл 18:19
Янгиликлар
Игорь Сергеев "Пахтакор"га қайтди
"Пахтакор" футбол академияси тарбияланувчиси бўлган Игорь Сергеев қисқа муддатли танаффусдан сўнг яна ўзи учун қадрдон саналган клуб сафига қайтди. Бугун у "Пахтакор" билан 2018 йил охиригача шартномага имзо чекди. Сергеев ҳозирга қадар "Шерлар" билан уч бор Ўзбекистон чемпионлигини қўлга киритиб, бир марта чемпионат тўпурарига айланган. Чемпионатларда жамоамиз учун 121 учрашувда 64 гол муаллифига айланган.
Игорь Сергеев бундан кейин ҳам "Пахтакор" ғалабаларига ҳисса қўшишда давом этади деган умиддамиз.
"Пахтакор"га қайтишинг муборак, Игорь!, - дейилади клуби расмий сайтидаги хабарда.
"Пахтакор" - менинг уйим. Ўзимни бошқа жамоада тасаввур қила олмайман. Мени бу ерда қабул қилишганидан хурсандман. Ўзимни ажойиб ҳис қиляпман ва жамоага фойда келтиришни истайман. "Пахтакор"дек жамоада битта мақсад бўлади - чемпионлик. Мавсум осон бўлмайди, аммо ижобий натижа ва омадга умид қиламан. Бунинг учун бор кучимни беришга тайёрман", - деди Сергеев.
Фикрлар