30 апр 13:29
Янгиликлар
Футбол
Игуаин Мадридга қайтиши мумкин
"Челси" ҳужумчиси Гонсало Игуаин фаолиятини Мадридда давом эттириши мумкин.
"TuttoJuve"нинг хабар беришича, трансфер ҳуқуқи "Ювентус"га тегишли бўлган 31 ёшли форвардга "Атлетико" қизиқиш билдирмоқда. Мадрид клуби ёзги трансфер ойнасида Антуан Гризманн жамоани тарк этадиган бўлса, айнан аргентиналикни харид қилишга уриниб кўради.
Манбанинг келтиришича, Игуаиннинг хизматларига шахсан "Атлетико" устози Диего Симеоненинг ўзи қизиқмоқда.
Игуаин "Челси"га 2019 йилнинг январь ойида ижара асосида келган. Жорий мавсум у "Челси" учун 15 ўйинда 4та гол урди.
Эслатиб ўтамиз, Гонсало бир пайтлар Мадриднинг бошқа бир жамоаси "Реал" таркибида ажойиб ўйинлар ўтказган.
Ҳавола :
Манба : championat.asia
Фикрлар