Икки футболчимиз Осиё ўйинлари рамзий терма жамоасига киритилди

Гап Одил Ҳамробеков ва Забиҳилло Ўринбоев ҳақида кетмоқда. Ҳар икки футболчимиз Осиё ўйинларида терма жамоа таркибида катта ҳажмдаги ишни амалга оширишган эди. 

Шунингдек, Осиё футбол конфедерацияси (ОФК) расмий сайтида қитъа ўйинларида порлаган олти нафар юлдуз ҳақида каттагина таҳлилий мақола ҳам чоп этилди. 

Ушбу рўйхатга Жанубий Кореяга қарши кечган чорак финал учрашуви анти қаҳрамонларидан бири Икром Алибоев ҳам киритилган. “Локомотив” ярим ҳимоячиси 5та гол билан Осиё ўйинлари тўпурарлари рўйхатида иккинчи бўлгани ҳам алоҳида таъкидланган. 

Бундан ташқари, олтиталик рўйхатга расман киритилмаган, лекин кўрсатган ўйинлари алоҳида таъкидланганлар орасида Одил Ҳамробеков, Жавоҳир Сидиқов ва Акромжон Комилов ҳам бор. 

Мақола муаллифи номлари тилга олинган футболчиларни январь ойида БААда ўтказиладигани Осиё Кубоги-2019нинг бўлажак юлдузлари сифатида эътироф этган.