28 сен 16:32
Янгиликлар
Теннис
Икки жуфтлигимиз Чимкент турнири ярим финалида
Қозоғистоннинг Чимкент шаҳрида соврин жамғармаси 10 минг доллардан иборат турнирнинг асосий тўр баҳслари давом этмоқда.
Ушбу мусобақанинг жуфтликлар баҳсида чорак финал учрашувлари ўтказилди. Санжар Файзиев ва Жўрабек Каримовдан иборат турнирнинг иккинчи рақамли жуфтлиги ярим финалга йўл олди. Улар чорак финалда россиялик Павел Котов ва Кристиан Лозан жуфтлигини 6:3, 7:6(4) ҳисобида мағлуб этишди.
Ҳумоюн Султонов ҳамда қозоғистонлик Темур Хабибулиндан иборат учинчи рақамли жуфтлик ҳам ярим финал чиптасини қўлга киритди. Улар қозоғистонлик Павел Петров ва япониялик Кенто Ямада жуфтлигини икки сетда ҳам бир хил 6:4 ҳисобида таслим этишди.
Ҳавола :
Манба : olamsport.com
Фикрлар