Икки теннисчимиз M15 Tashkent 2 турнирнинг 1/2 финалига чиқди

M15 Tashkent 2 турнирининг мукофот жамғармаси 15 000 АҚШ долларидан иборат бўлиб, унда бир неча нафар теннисчиларимиз ўз имкониятларини синаб кўришяпти. Улардан икки нафари ярим финалга етиб келди. 

Мамлакатимизнинг иккинчи ракеткаси Сергей Фомин роппа-роса 1 соат давом этган 1/4 финалда ATP рейтингида 1948-поғонада бораётган россиялик Антон Чеховни 6/2, 6/0 ҳисобида мағлубиятга учратди. Фомин дунёнинг 453-ракеткаси бўлиб турибди.

Тўртинчи ракеткамиз Максим Шин эса рейтингда ўзидан салкам 200 поғона юқорида бораётган ҳиндистонлик Мадҳвин Каматни 6/2, 6/3 ҳисобида доғда қолдирди. Шин кеча 1/4 финалда ўзидан 400 поғона юқорида турган бошқа бир ҳинд теннисчиси Бхарат Кумарандан устун келганди - 6/3, 6/3.    

Афсуски, учинчи ракеткамиз Амир Милушев 1 соату 55 дақиқалик 1/4 финал баҳсида рейтингда ўзидан 436 ўрин тепада турган италиялик Лоренцо Лоруссога 3/6, 6/7(5) ҳисобида имкониятни бой берди. Милушев кеча 1/4 финалда рейтингда 655 поғона юқорида бораётган россиялик Аристарх Сафоновни 4/6, 6/2, 6/4 ҳисобида мағлуб эта олганди.