24 окт 20:09
Янгиликлар

Бокс/ММА

Икки вазн чемпионлари - Ковалёв - Канело жангига ҳакам тайинланди

Невада штати Спорт комиссияси россиялик Сергей Ковалёв ҳамда мексикалик Сауль "Канело" Альварес ўртасидаги супержангга ҳакамлар бригадасини тайинлади.

Айни пайтда Ковалёв ярим оғир вазн тоифасида WBO чемпиони бўлиб турибди. Ўрта вазн қироли бўлган Альварес эса учта вазн тоифаси чемпиони ҳисобланади. Икки жаҳон чемпионлари ўртасидаги жанг 2 ноябрь куни бўлиб ўтади.

Бирлаштирувчи чемпионлик жангида Рассел Мора реферилик қилади. Морадан ташқари Трой Уикс номзоди ҳам кўриб чиқилганди. Лекин якунда Рассел номзодида тўхталинди. Ринг атрофида очколарни Жули Ледерман, Дон Трелла ва Дейв Моретти ҳисоблаб боради.