23 май 09:45
Янгиликлар
Бокс/ММА
Икки йўналиш чемпиони Кроуфорд Пакьяони рингга чорлади
Профессионал бокснинг биринчи ярим ўрта вазн тоифасида икки йўналиш чемпиони бўлиб турган Теренс Кроуфорднинг тахминий рақиби маълум қилинди.
Кроуфорд филиппинлик машҳур боксчи Мэнни Пакьяони рингга чорлади.
“Пакьяо. Айнан у мен жанг қилиш истагида бўлган рақиб. Агар бу жангни ташкил эта олмасак, унда Индонгога қарши рингга кўтариламан. Умуман олганда, мен ўз вазнимдаги энг кучли боксчилар билан жанг қилишга тайёрман”, – деди Кроуфорд boxingscene.com сайтига берган интервьюсида.
Эслатиб ўтамиз, Теренс 20 май куни Феликс Диасга қарши жангда рақибини техник нокаутга учратиб, чемпионлик камарларини ҳимоя қилган эди.
Ҳавола :
Фикрлар