"India Open". Чорак финалда 9 нафар спортчимиз жанг қилади

Бунгача Абдулҳай Шораҳматов, Бобоусмон Ботуров, Баҳодир Жалолов, Исроил Мадримов ва Иқболжон Холдоров каби боксчиларимиз мусобақани ғалаба билан бошлаганликлари ҳақида хабар қилгандик. 

Кеча ўтказилган жангларда шунингдек Худойназар Файзов, Шербек Раҳматуллаев, Санжар Турсунов каби боксчиларимиз ҳам ғалаба қозондилар. -49 кг вазн тоифасида рингга чиққан Мироншох Ибрагимов эса филиппинлик рақибига имкониятни бой бериб қўйган. 

1/8 финал доирасида кечган баҳсда боксчиларимиз қуйидаги рақибларга қарши жанг қилдилар:

-49 кг: Мироншоҳ Ибригимов — Макодо Рамель (Филиппин)

-52 кг: Худойназар Файзов — Сугуро Алдомс (Ҳиндистон)

-56 кг: Абдулхай Шораҳматов — Аморганг Агунг (Ҳиндистон)

-60 кг: Шербек Раҳматуллаев — Сингҳ Бунте (Ҳиндистон)

-64 кг: Иқболжон Холдоров - Мустафо Алкасбеҳ (Иордания)

-69 кг: Бобоусмон Ботуров — Бонифаце Барнсли (Сейшел)

-75 кг: Исроил Мадримов — Ферожа Дено (Индонезия)

-91 кг: Санжар Турсунов - Ндзие Цое Кристиан (Камерун)

+91 кг: Баҳодир Жалолов - Парвин Кумар (Ҳиндистон)

+91 кг вазн тоифасидаги Лазизбек Муллажонов эса мусобақани чорак финалдан бошлайди.