17 мар 18:56
Янгиликлар

Теннис

Индиан-Уэллс. Симона Халеп "Мастерс"нинг ярим финалига чиқди

Индиан-Уэллс "Мастерс" турнирининг аёллар ўртасидаги баҳсларида ярим финалга чиққан теннисчилар номи маълум бўлди.

Жаҳоннинг 26-ракеткаси, руминиялик Симона Халеп турнирнинг чорак финалида WТА рейтингида 79-ўринни эгаллаб турган хорватиялик Петра Мартични 6/1, 6/1 ҳисобида мағлуб этди ва ярим финалга йўл олди.

53 дақиқа давом этган учрашувда 30 ёшли Халеп битта эйсни амалга оширди, тўпни ўйинга киритишда бир марта хатога йўл қўйди ва бешта брейк-пойнтни қайд этди, 31 ёшли Мартич эса бир марта эйс амалга ошириб, учта қўш хатога йўл қўйди. Теннисчилар ўртасидаги ҳисоб 3:2, руминиялик спортчи фойдасига ҳал бўлди.

BNP Paribas Open мусобақасининг ярим финалида Халеп польшалик Ига Свёнтекка қарши кортга чиқади.