Ирода Тўлаганова катта теннисга қайтмоқчи

"Яккалик баҳсларда маррага етиб келдим. Ёшим ва соғлиғим туфайли кортга бошқа қайта олмайман. Аммо, спортдаги фаолиятим ҳали тугагани йўқ. Фурсатдан фойдаланиб, бир янгиликни айтмоқчиман. 2018 йилдан теннисга жуфтликдаги ўйинчи сифатида қайтаяпман. Айни кунларда мураббийликдан ташқари ўзим ҳам ўйинларга тайёрланмоқдаман. Халқаро теннис турнирларида иштирок этиб, бошқа теннисчиларга ёрдамим тегса, бундан хурсанд бўламан.

Ким шерик бўлади? Юртимизда Ойгул Омонмуродова, Нигина Абдураимова, Камола Умарова, Лайло Баҳодирова, Ясмина Каримжонова, Арина Фольц каби теннисчилар кўп. Айнан ким билан кортга тушишимни эса ўйинга яқин қолганда аниқлаймиз", - деб айтиб ўтди Тўлаганова "Даракчи" газетасига берган интервьюсида.