Исроил Мадримов: Менга имконият беринг, рингда ўзимни кўрсатаман. Катта жангларга тайёрман

Ушбу кеча доирасида ҳамюртимиз Исроил Мадримов венесуэлалик Чарли Наваррога қарши рингга кўтарилади. Мазкур баҳс WBA камари учун саралаш вазифасини ўтайди. 

Кечанинг марказий жанги Жесси Варгас ҳамда Майки Гарсия ўртасида ташкил этилади. 

Мазкур жанг олдидан Мадримов маҳаллий ОАВга интервью берди. 

"Мана шундай жанг андекартида қатнашаётганимдан хурсандман. Мақсадим рингда ўзимни кўрсатиш ва мухлисларга боксимдан завқланиш имкониятини бериш. Нокаут қайд этиш. 

Биринчи жангимда WBA Intercontinental камарини қўлга киритганман. Энди мен қийин жангларга ҳам тайёрман ва катта ғалабаларни истайман. 

Менга имконият беринг, мен рингда ўзимни кўрсатаман. Чемпион бўлишни истайман. Лара, Лозарио каби чемпионларга қарши жанг қилишга тайёрман. 

Ўзбекистонда мухлисларим жангимни кутишмоқда, кўп жойда мухлисларим пайдо бўлмоқда. Худо хоҳласа уларни уялтириб қўймайман", - деди Мадримов.